Heitt á könnunni hjá sósíalistum
Já, það er heitt á könnunni alla sunnudaga á Hverfisgötu 105 Reykjavík. Um að gera fyrir kaffiþyrsta og aðra að koma og spjalla um málefni líðandi stundar smakka kexið og vinna að því að bæta samfélag okkar með uppbyggilegum samræðum.
Staðsetning: Hverfisgötu 105. Reykjavík. (Á horni Hverfisgötu og Snorrabrautar)
Tími: alla sunnudaga frá klukkan 10:00 til klukkan 12:00
Efni: það sem efst er á baugi í samfélaginu, nýjustu vendingar í pólitík og annað áhugavert
sem dæmi:
Verðlag á matvöru, húsnæðismál, skattaumhverfið, umhverfismál, kapítalisma, sósíalisma, borgar- og sveitarstjórnar mál, friðarhreyfingar, átök í heiminum, NATÓ, ESB, AL, mennta og skólamál og svo allt annað sem kaffiþyrstir vilja ræða.
Opinn fundur Sósíalistaflokksins um íbúalýðræði. Verið velkomin í sunnudags kaffi frá kl. 10 og stutt kynning um íbúalýðræði kl. 12:30.
Við munum heyra af reynslu húmanista af hverfisráðum frá tíunda áratugnum og læra um hvað það er sem skilgreinir raunverulegt íbúalýðræði og hvernig við getum beitt okkur fyrir því að auka það.
Færum valdið til fólksins!
Hverfisgata 105, kl. 12:30 sunnudaginn 22. mars.
Við æfum okkur í samtölum, framkomu og að tala við fólk um stjórnmál og stefnu flokksins. Annan hvern sunnudag kl. 13!
Allir velkomnir. Gerum þetta best saman.
Næstu fjóra sunnudaga býður Sósíalistaflokkur Íslands til skemmtilegra samverustunda í húsakynnum flokksins — sunnudagur sem sameina félagshyggjuvist og borðspil í anda samhjálpar, leikgleði og samvinnu.
🃏 Fyrri hluti dagsins: Félagshyggjuvist
Við byrjum á spilavist þar sem keppt er um sæti á vinsemdarlegan hátt.
Á hverju sunnudagsspili verða veitt verðlaun fyrir tvo efstu, tvo neðstu og sérstök setuverðlaun.
Að loknum fjórum sunnudögum verða einnig veitt heildarverðlaun fyrir þá sem eru stigahæstir í heildina.
🎲 Seinni hluti: Borðspilahittingur
Að spilavist lokinni verður boðið upp á léttan borðspilahitting.
Ýmis borðspil verða í boði og allir sem vilja spila eitthvað sérstakt spil sem þeir eiga sjálfir, mega gjarnan taka það með sér.
💸 Aðgangur: Ókeypis — en framlög í pappírsjóðinn eru afar vel þegin.
📅 Tími: 13:30-17:30
📍 Staður: Hverfisgata 105
Komdu og njóttu notalegrar stundar í félagsskap framsækins fólks!
